2022年9月20日 - 源自英国嘅健康果汁品牌 innocent®天真TM 由英国成功达阵，搾到嚟香港，将五款原汁原味嘅鲜搾果汁果昔带俾咁多位香港嘅朋友仔，款款都係用100%上乘水果新鲜榨取，纯天然、无浓缩、无添加，有益健康又好味，我哋话嘅。
纯水果、真果汁、好滋味
innocent®天真TM 今次带五款果汁果昔，选用来自世界各地嘅上乘水果，例如嚟自欧洲可持续果园嘅士多啤梨同有芒果王称号嘅阿方索芒果等，水果品种同产地嘅筛选，乃至整个製造过程都绝对唔马虎。innocent®天真TM 更凭住风趣幽默嘅独特品牌性格，好自然就拉近同大家嘅距离。今次 innocent®天真TM 几经辛苦带住健康又好味嘅手信嚟到香港，五款100% 鲜果榨製嘅果汁果昔都係纯天然、无添加、无浓缩。每支都係新鲜入瓶、直送到港，保留住最有营养嘅果肉精华，蕴含丰富维他命同纤维。由今日开始，只要你想，随时随地拎起一支就饮得，几时都可以咁有营。
橙汁
100% 巴西甜橙，100% 新鲜压製，无浓缩无添加。粒粒酸甜清爽又多汁，充满住维他命 C，一次过榨哂入去，仲留咗橙最有营嗰 part 係樽入面俾你添。
苹果汁
哗，点解睇落咁浊嘅?因为係用 1.5 个新鲜苹果压出嚟嘅苹果汁啰。比起好似水咁清嘅浓缩苹果汁，呢支饮落更加清爽、天然、甘甜，仲要冇额外加糖㗎。
士多啤梨香蕉果昔
西班牙最正嘅士多啤梨，同嚟自热带雨林嘅香蕉先生完美融合埋一齐，真係听落都觉得甜。再以青柠嘅清爽果香平衡返个甜度，糖都唔洗加，fit 哂。
芒果热情果果昔
innocent®天真TM 特登请嚟拥有浓郁色泽同香气嘅芒果之王阿芳素，同厄瓜多尔热情果一齐嚟个热带风情 crossover。一啖就俾到你渡假嘅感觉，係咪冇谂过可以咁正先?
苹果奇异果青柠果昔
乜嘢同奇异果最夹?呢题梗係识答，苹果嘅清爽、菠萝同柑橘嘅酸甜，再加上奇异果独特嘅口感，係咪想像唔到呢。smoothie 唔一定要加香蕉嘅，试试佢。
果汁小小 责任大大
除咗坚持出品健康又美味嘅果汁果昔，innocent®天真TM 亦不忘将心意用行动回馈返俾社会同地球，于2004年成立「天真基金会」(innocent foundation)，将全球 10% 利润捐俾唔同嘅慈善机构，协助解决全球飢饿问题;环保方面，innocent®天真TM 无论係产品包装、蔬果採购过程，甚至品牌嘅发展目标都积极以可持续性作考虑，为有需要嘅社群同地球环境出一分力。你有冇谂过一个小小行动可以带嚟大大改变?饮住嘆 innocent®天真TM 嘅同时，你同我哋都可以一齐为绿色地球加油。
五款 innocent®天真TM 果汁果昔已登陆指定香港百佳店舖、FUSION、INTERNATIONAL、TASTE x FRESH、TASTE、FOOD LE PARC、指定香港惠康及其特色超市、Market Place by Jasons、HKTVmall、pandamart 同埋指定零售店。
红遍欧洲
由 1999 年开始，到依家成为欧洲健康饮品市场嘅大热品牌，粉丝遍布全球 32 个国家
天然好滋味
100% 纯天然 - 我哋保证无添加、无浓缩，好味又健康
为你好，为地球好
为咗你同地球嘅健康，我哋以负责任嘅态度嚟採购水果同生产饮品，推动世界以可持续嘅方式变得更好
关于 innocent®天真TM
Innocent®天真TM 係欧洲领先嘅健康饮品品牌。业务成立于 1999 年，从一家位于伦敦西部嘅小型初创企业发展成为而家遍布全球 30 多个市场嘅多方面业务，包括阿联酋、新加坡、中国大陆、台湾同香港等。我哋嘅饮品範围随住发展而增长，包括奶昔、超级奶昔、非浓缩果汁、innocent plus、果汁饮品、乳製品、清爽椰子水同微气泡果汁。作为一间 B-Corp，我哋致力推动环保及社区发展，并将 10% 嘅利润回馈社会同地球。我哋亦承诺係 2025 年实现碳中和，而我哋嘅果汁生产工厂 the blender，就係世界上第一批以可持续方式运行嘅碳中和工厂之一。
